MAMBO 6 YA KUFANYA KABLA HUJAAMUA KUINGIA KWENYE NDOA

 
 
1. Jiandae kiakili kwanza kuwa sasa umefika wakati wa wewe kuingia kwenye ndoa, sio unakurupuka tu ukahisi ndoa nayo huvamiwa vamiwa tu, utakula za uso halafu ujutie hiyo ndoa.

2. Ingia katika ndoa na mtu umpendaye kwa dhati haijalishi ni maskini au tajiri maana kama umempenda mtu kwa moyo wote hata kama mkikutana na majaribu yapi mtasameheana na kusonga mbele

3. Jipange kimaisha japo kidogo maana unakuta mtu hana hata kitanda wala godoro au chumba cha kuishi eti naye anataka kuoa, hata kama ni kuvumiliana si kwa aina hiyo, hapo itakuwa kutesana baadala ya kuvumiliana kwakweli. Japo hali ni mbaya jitahidi upange gheto zuri halafu nunua japo godoro, sasa kama hilo nalo huwezi hata usioe maana utaishi vipi sasa na huyo mkeo, si mtashindwa hata kula?











4. Chagua mtu ambaye unaona unaendana naye kitabia na vitu anavyopenda kufanya, wewe kama hupendi tabia ya mvuta sigara kamwe usikubali kuolewa/kuoa mvuta sigara, kama hupendi mlevi kamwe usikubali kuolewa/kuoa mlevi maana hicho kinachokukera na yeye anakipenda kitakuwa chanzo cha matatizo kwenye ndoa yenu

5. Kuwa tayari kwa kila kitu, kusalitiwa, kuibiwa mme/mke, kupigana, kuchekeana na kila kitu maana haya yote yapo ndani ya ndoa, usijidanganye kuwa ndoa ni tambarale tu kwahiyo iandae akili 
 yako kwa yote hayo


 
 6. Jifunze kuwa mtunzaji siri kabla hujaingia kwenye ndoa maana katika ndoa kuna vitu vingi hujitokeza, sasa kama mke/mmeo wako hakuridhishi halafu unaenda kutangaza nje ya ndoa ukiibiwa usije ukalaumu mtu.

Share na marafiki zako wajue , pia ongezea lingine unalolijua kwa kukomenti hapo chini.